ଚର୍ଚ୍ଚାରେ କମଲ ହାସନ

ଗତ ବର୍ଷ ଫିଲ୍ମ ବିକ୍ରମରୁ ଦମଦାର କମ୍‌ ବ୍ୟାକ୍‌ କରିଥିବା କମଲ ହାସନ ପୁଣି ଚର୍ଚ୍ଚାରେ ଅଛନ୍ତି । ଭାରତୀୟ ସିନେମାରେ ଭିନ୍ନ ପରିଚୟ ସୃଷ୍ଟି କରିଥିବା କମଲ ହାସନଙ୍କୁ କୌଣସି ପୁରଷ୍କାର ମିଳିବା ସାଧାରଣ କଥା । ତାଙ୍କର ଅଭିନୟର ଟ୍ୟାଲେଣ୍ଟ ପାଇଁ ସେ ଘରେ ଘରେ ପରିଚିତ । କିନ୍ତୁ ଏଥର ତାଙ୍କୁ ମିଳିଥିବା ପୁରଷ୍କାର ଅନେକ ଲୋକଙ୍କୁ ଆଶ୍ଚର୍ଯ୍ୟ କରିଛି ।କମଲ ହାସନଙ୍କ ଅଭିନୟର କଳା ସମସ୍ତଙ୍କ ପାଇଁ ପ୍ରଶ୍ନ ସୃଷ୍ଟି କରେ । ତାଙ୍କର ଚମତ୍କାର ଅଭିନୟରେ ଫ୍ୟାନ୍ସମାନେ ମୋହିତ ହୋଇଯାନ୍ତି । ପ୍ରତ୍ୟେକ ଫିଲ୍ମରେ ସେ ଭିନ୍ନ ଭିନ୍ନ ଅନ୍ଦାଜରେ ଦର୍ଶକଙ୍କୁ ଆକର୍ଷିତ କରନ୍ତି । ଅନେକ ଭାଷାରେ ଫିଲ୍ମ କରିଥିବା କମଲ ଭାରତନାଟ୍ୟମ ଡ୍ୟାନ୍ସର ଭାବେ ମଧ୍ୟ ବେଶ ଜଣାଶୁଣା । ଡାଇରେକ୍ସନ, ସ୍କ୍ରିନ୍‌ ପ୍ଲେ ରାଇଟିଙ୍ଗ ଏବଂ ଷ୍ଟୋରୀ ଲେଖିବା ପାଇଁ ମଧ୍ୟ ତାଙ୍କୁ ଅନେକ ପୁରଷ୍କାର ମିଳିଛି । କିନ୍ତୁ ଏଥର ତାଙ୍କୁ ଯେଉଁ ପୁରଷ୍କାର ମିଳିଛି ତାହା ସମ୍ପୂର୍ଣ୍ଣ ଭିନ୍ନ । SIIMA ବା ସାଉଥ ଇଣ୍ଡିଆନ ଇଣ୍ଟରନ୍ୟାସନାଲ ମୁଭି ଆଓ୍ଵାର୍ଡରେ କମଲ ହାସନଙ୍କୁ ବିକ୍ରମ ଚଳଚ୍ଚିିତ୍ର ପାଇଁ ବେଷ୍ଟ ଆକ୍ଟର ଆଓ୍ଵାର୍ଡ ମିଳିଛି । ଏହା ସହିତ ସେ ଫିଲ୍ମରେ ଏକ ଗୀତ ଗାଇଥିଲେ, ଯେଉଁଥିପାଇଁ ତାଙ୍କୁ ବେଷ୍ଟ ସିଙ୍ଗର ଆଓ୍ଵାର୍ଡ ମିଳିଛି ।