କଚା ବାଦାମ ଗୀତ ଗାଇ ଟ୍ରୋଲ ହେଲେ ରାନୁ ମଣ୍ଡଳ
ମେଟ୍ରୋ ଟିଭି ଓଡିଶା,୩୦/୧ : ସୋସିଆଲ ମିଡିଆରେ ବଙ୍ଗାଳୀ ଗୀତ ‘କଚା ବାଦାମ’ ପୂରା ଛାଇ ଯାଇଛି। ଏହି ଗୀତ ଖୁବ୍ ଟ୍ରେଣ୍ଡରେ ଅଛି। ଅନେକ ସେଲିବ୍ରିଟି ଏବଂ ସାଧାରଣ ଲୋକ ଏହି ଗୀତରେ ଡ୍ୟାନ୍ସ କରି ଏହାର ଭିଡିଓ ସେୟାର କରିଛନ୍ତି। ‘କଚା ବାଦାମ’ ଗୀତକୁ ପଶ୍ଚିମବଙ୍ଗର ବାଦାମ ବିକ୍ରେତା ଭୁବନ ବଦ୍ୟାକର ଗାଇଛନ୍ତି, ଯାହାକୁ ବହୁତ ପସନ୍ଦ କରାଯାଉଛି। ଏବେ ଏହି ଗୀତକୁ ରାନୁ ମଣ୍ଡଳ ନିଜ ଷ୍ଟାଇଲରେ ଗାଇଛନ୍ତି, ଯାହାକୁ ଶୁଣି ଲୋକମାନେ ନିଜ ମୁଣ୍ଡ ପିଟୁଛନ୍ତି। ରାନୁଙ୍କ ଏହି ଭିଡିଓ ଖୁବ୍ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ‘କଚା ବାଦାମ’ ଗୀତ ଗାଉଥିବାର ନଜର ଆସିଛନ୍ତି।
‘କଚା ବାଦାମ’ ଗୀତ ଗାଇ ରାନୁ ମଣ୍ଡଳ ଲୋକଙ୍କଠାରୁ ପ୍ରଶଂସା ତ ପାଇପାରି ନାହାନ୍ତି, କିନ୍ତୁ ଜବରଦସ୍ତ ଟ୍ରୋଲର ଶିକାର ହୋଇଛନ୍ତି। ଭିଡିଓ ସାମ୍ନାକୁ ଆସିବା କ୍ଷଣି ଲୋକମାନେ ତାଙ୍କୁ ଥଟ୍ଟା, ପରିହାସ କରିବା ଆରମ୍ଭ କରି ଦେଇଛନ୍ତି। ଜଣେ ୟୁଜର ଲେଖିଛନ୍ତି, ଓମ୍ ଶାନ୍ତି ବାଦାମ। ଆଉ ଜଣେ ଲେଖିଛନ୍ତି, ଏହା କ’ଣ? ସେହିପରି କେହି କେହି କମେଣ୍ଟ କରିଛନ୍ତି, ଏହା କଚା ବାଦାମ ନୁହେଁ, କଞ୍ଚା ବଦନାମ୍। ଏହା ବ୍ୟତୀତ ୟୁଜରମାନେ ରାନୁ ମଣ୍ଡଳଙ୍କର ଏହି ଭିଡିଓରେ ଲାଫିଙ୍ଗ୍ ଇମୋଜି ସେୟାର କରିଛନ୍ତି। ଏହି ଭିଡିଓକୁ ବର୍ତ୍ତମାନ ସୁଦ୍ଧା ୫୬ ହଜାରରୁ ଅଧିକ ଭ୍ୟୁ ମିଳି ସାରିଲାଣି। କମେଣ୍ଟ ବକ୍ସରେ ଲୋକମାନେ ଅଧିକ ମାତ୍ରାରେ ରାନୁଙ୍କୁ ଟ୍ରୋଲ କରିଛନ୍ତି।
pic credit- instagram
ସୂଚନା ଅନୁଯାୟୀ , କିଛି ବର୍ଷ ତଳେ ରାନୁ ମଣ୍ଡଳ ରେଳ ଷ୍ଟେସନରେ ‘ଏକ ପ୍ୟାର କା ନଗମା ହୈ’ ଗୀତ ଗାଉଥିବାର ଏକ ଭିଡିଓ ଖୁବ୍ ଭାଇରାଲ ହୋଇଥିଲା । ଲୋକମାନେ ରାନୁଙ୍କ ସ୍ୱରକୁ ବହୁତ ପସନ୍ଦ କରିଥିଲେ। ଏହାପରେ ତାଙ୍କୁ ଏକ ରିୟାଲିଟି ସିଙ୍ଗିଙ୍ଗ୍ ଶୋ’କୁ ନିମନ୍ତ୍ରଣ କରାଯାଇଥିଲା, ଯେଉଁଠି ଗାୟକ ତଥା କମ୍ପୋଜର ହିମେଶ ରେଶମିୟା ତାଙ୍କୁ ନିଜ ଫିଲ୍ମରେ ଗୀତ ଗାଇବା ପାଇଁ ସୁଯୋଗ ଦେଇଥିଲେ। ପରେ ରାନୁ ହିମେଶଙ୍କ ସହ ମିଶି ‘ତେରୀ ମେରୀ କାହାନୀ’ ଗୀତ ଗାଇଥିଲେ। ଆଉ ଏହା ବେଶ୍ ଲୋକପ୍ରିୟ ହୋଇଥିଲା।