ନିଟ ପ୍ରଶ୍ନପତ୍ର ଲିକ ମାମଲାରେ ମଧ୍ୟସ୍ଥିକୁ ଧରିଲା ସିବିଆଇ
ନିଟ ପ୍ରଶ୍ନପତ୍ର ଲିକ୍ ମାମଲାରେ ସିବିଆଇ ପାଟନାରୁ ଆଉ ଜଣେ ଅଭିଯୁକ୍ତ ସୁରେନ୍ଦ୍ର କୁମାରଙ୍କୁ ଗିରଫ କରିଛି। ସିବିଆଇ ସୁରେନ୍ଦ୍ର କୁମାରଙ୍କୁ ୪ ଦିନ ରିମାଣ୍ଡରେ ନେଇଛି। ପାଟନା ଏମ୍ସରୁ ୪ ଜଣ ଛାତ୍ରଙ୍କୁ ଗିରଫ କରିବା ପରେ ସୁରେନ୍ଦ୍ର କୁମାରଙ୍କ ନାମ ସାମ୍ନାକୁ ଆସିଥିଲା। ଏହା ପରେ ତାଙ୍କୁ ମଧ୍ୟ ଗିରଫ କରାଯାଇଥିଲା। ପ୍ରକୃତରେ, ସିବିଆଇ ସନ୍ଦେହ କରୁଛି ଯେ ସୁରେନ୍ଦ୍ର କୁମାର ପରୀକ୍ଷା ମାଫିଆ ଏବଂ ପାଟନା ଏମ୍ସ ଛାତ୍ରଙ୍କ ମଧ୍ୟରେ ମଧ୍ୟସ୍ଥି ଥିଲେ । ପାଟନା ଏମ୍ସର ଗିରଫ ଛାତ୍ରମାନେ ଏହି ମଧ୍ୟସ୍ଥିଙ୍କ ସହ ଯୋଗାଯୋଗରେ ଥିଲେ | ପାଟନା ଏମ୍ସର ଛାତ୍ରମାନଙ୍କୁ ପଚରାଉଚରା ସମୟରେ ସେମାନେ ସୁରେନ୍ଦ୍ର କୁମାରଙ୍କ ନାମ ଉଲ୍ଲେଖ କରିଥିଲେ । କୁହାଯାଉଛି ଯେ ସୁରେନ୍ଦ୍ର କୁମାରଙ୍କୁ ସିବିଆଇ ଦଳ ବିହାରରୁ ଉଠାଇ ନେଇଛି। ବର୍ତ୍ତମାନ ସିବିଆଇ ପାଟନା ଏମ୍ସର ଛାତ୍ର ଏବଂ ସୁରେନ୍ଦ୍ରଙ୍କୁ ମୁହାଁମୁହିଁ କରି ପଚରାଉଚରା କରିବ।
ନିକଟରେ ପାଟନାରୁ ଗିରଫ ହୋଇଥିବା ପଙ୍କଜ ଓରଫ ଆଦିତ୍ୟ ହଜାରିବାଗ ଟ୍ରଙ୍କରୁ ପ୍ରଶ୍ନପତ୍ର ଚୋରି କରି ଏହାର ସମାଧାନ ପାଇଁ ଏହି ଚାରି ଏମବିବିଏସଛାତ୍ରଙ୍କୁ ଦେଇଥିବା ସନ୍ଦେହ କରାଯାଉଛି। ଉଲ୍ଲେଖ ଥାଉ କି ଗତକାଲି ନିଟ୍ ପେପର ଲିକ୍ ମାମଲାରେ ସିବିଆଇ ପାଟନା ଏମ୍ସ୍ର ୪ ଜଣ ଏମ୍ବିବିଏସ୍ ଛାତ୍ରଙ୍କୁ ଗିରଫ କରିଥିଲା । ବୁଧବାର ରାତିରେ ସିବିଆଇ ପାଟନା ଏମ୍ସ୍ର ୩ ଜଣ ତୃତୀୟ ବର୍ଷର ଛାତ୍ର ଏବଂ ଜଣେ ଦ୍ବିତୀୟ ବର୍ଷର ଛାତ୍ରଙ୍କୁ ଉଠାଇ ଆଣିଥିଲା। ଏହି ଛାତ୍ରମାନେ ୨୦୨୧ ବ୍ୟାଚ୍ର। ସେମାନଙ୍କ ରୁମ୍ ସିବିଆଇ ସିଲ୍ କରିଥିଲା ଏବଂ ମୋବାଇଲ ଫୋନ୍ ଓ ଲ୍ୟାପଟପ୍ ଜବତ କରିଥିଲା । ଏହି ଏମ୍ବିବିଏସ୍ ଛାତ୍ରମାନେ ହେଉଛନ୍ତି ଚନ୍ଦନ ସିଂହ, ରାହୁଲ ଆନନ୍ଦ, କରନ ଜୈନ ଏବଂ କୁମାର ସାନୁ। ଚନ୍ଦନ ସିଂହ ହେଉଛନ୍ତି ବିହାରର ସିୱାନ ବାସିନ୍ଦା। କୁମାର ସାନୁ ବିହାରର ପାଟନା ବାସିନ୍ଦା। ରାହୁଲ ଆନନ୍ଦଙ୍କ ଘର ଝାଡ଼ଖଣ୍ଡର ଧାନବାଦରେ କିନ୍ତୁ ସେ ପାଟନାରେ ରହୁଛନ୍ତି। କରନ ଜୈନଙ୍କ ଘର ଆରାରିଆରେ।