ସ୍କୁଲ ପିଲାଙ୍କୁ ସ୍ୱତନ୍ତ୍ର ପରିଚୟ ପତ୍ର

ସାରା ଭାରତରେ ଏବେ ୱାନ୍ ନେସନ୍ ୱାନ ଆଇଡି ଉପରେ ଗୁରୁତ୍ୱ ଦିଆଯାଉଛି । ତେବେଏହି ପରୀପ୍ରେକ୍ଷୀରେ ସ୍କୁଲ ଛାତ୍ରଛାତ୍ରୀମାନଙ୍କ ପାଇଁ ମଧ୍ୟ ଏକ ସ୍ୱତନ୍ତ୍ର ପରିଚୟ ପତ୍ର ପ୍ରଦାନ କରିବା ପାଇଁ ଯୋଜନା କରୁଛନ୍ତି କେନ୍ଦ୍ର ସରକାର । ଦେଶର ସ୍କୁଲ ପଢୁଆ ପିଲାମାନଙ୍କ ପାଇଁ ୟୁନିକ ଆଇଡେଣ୍ଟିଫିକେସନ ନମ୍ବର ଜାରି କରିବା ପାଇଁ ପ୍ରସ୍ତୁତ ହେଉଛି କେନ୍ଦ୍ର ଶିକ୍ଷା ମନ୍ତ୍ରାଳୟ । ଏହାକୁ Automated Permanent Academic Account Registryବା (APAAR/ଅପାର) କାର୍ଡ ବୋଲି କୁହାଯିବ ।ପ୍ରି-ପ୍ରାଇମେରୀରୁ ଆରମ୍ଭ କରି ଉଚ୍ଚଶିକ୍ଷା ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ପାଇଁ ଏହି ଭାରତୀୟ କାର୍ଡ ପ୍ରଦାନ କରାଯିବ । ତେବେ ଏହା ଅଧାର କାର୍ଡ ସହ ଲିଙ୍କ ହେବା ସହିତ ପିଲାଙ୍କ ଶିକ୍ଷାଗତ ଯାତ୍ରା ବା ଉପଲବ୍ଧିର ସମ୍ପୂର୍ଣ୍ଣ ତଥ୍ୟ ଏଥିରେ ଅନ୍ତର୍ଭୁକ୍ତ ହୋଇ ରହିବ । ତେବେ ଏଥିପାଇଁ ପ୍ରତ୍ୟେକ ଅଭିଭାବକଙ୍କ ପାଖରୁ ମଞ୍ଜୁରୀ ନିଆଯିବ ।