ଦେଶ ଉତ୍ପାଦନ କରିବ ଓମିକ୍ରନ ଟିକା
ମେଟ୍ରୋ ଟିଭି ଓଡିଶା,୧୮/୧: କରେନାର ନୂଆ ଭାରିଆଣ୍ଟ ଓମିକ୍ରନରେ ଆକ୍ରାନ୍ତ ହେଲେଣି । ସ୍ୱାସ୍ଥ୍ୟ ବିଭାଗର ସୂଚନାଅନୁସାରେ ଏହି ଓମିକ୍ରନ ଏତେ ପ୍ରଭାବଶାଳୀ ନଥିଲେ ମଧ୍ୟ ଏହା ପାଇଁ ଭାରତ ସ୍ୱଦେଶୀ ଟିକା ଉତ୍ପାଦନ କରିବାକୁ ଯାଉଛି । ପୂର୍ବରୁ ଭାରତ କୋଭିଡର ସ୍ୱଦେଶୀ ଟିକା ପୁରା ବିଶ୍ୱକୁ କରୋନା କବଳରୁ ରକ୍ଷା କରିଛି । ସ୍ୱଦେଶୀ ଜ୍ଞାନ କୌଶଳରେ ଭାତରର ଟିକା ବିଶ୍ୱରେ ମାନ୍ୟତା ପାଇଛି । ଏବେ କରୋନାର ନୂଆ ଭାରିଆଣ୍ଟ ଓମିକ୍ରନ୍ ପାଇଁ ଖୁବ ଶୀଘ୍ର ସ୍ୱଦେଶୀ ଟିକା ଆସିବାକୁ ଯାଉଛି । ଏହା ଉପରେ ପରୀକ୍ଷଣ ଆରମ୍ଭ ହୋଇଯାଇଛି ।
ମହାରାଷ୍ଟ୍ରର ପୁଣେରେ ଏହି ଟିକା ପ୍ରସ୍ତୁତ ହେବ। ଓମିକ୍ରନରୁ ମୁକ୍ତି ପାଇବା ପାଇଁ ଏହି ଟିକା ପ୍ରଭାବଶାଳୀ ହେବ। ଡେଲଟା ଭାରିଆଣ୍ଟ ପରେ, ଓମିକ୍ରନ୍ ଭାରିଆଣ୍ଟ ସମଗ୍ର ବିଶ୍ୱରେ ହଇଚଇ ସୃଷ୍ଟି କରିଛି। ପୁଣେ ଭିତ୍ତିକ ଫାର୍ମାସ୍ୟୁଟିକାଲ୍ କମ୍ପାନୀ ଡେଲ୍ଟାରୁ ଏହି ଦ୍ରୁତ ଗତିରେ ବିସ୍ତାରିତ ପ୍ରକାରର ମୁକାବିଲା ପାଇଁ ଏହି ଟିକା ପ୍ରସ୍ତୁତ କରୁଛି । ଜେନୋଭା ବାୟୋଫାର୍ମାସ୍ୟୁଟିକାଲ୍ସ ପୁଣେ ନାମକ ଏହି କମ୍ପାନୀର ଗବେଷଣା ଏହାର ତୃତୀୟ ପର୍ଯ୍ୟାୟରେ ପହଞ୍ଚିଛି। ଏହି କମ୍ପାନୀ ଓମିକ୍ରନ୍ ପାଇଁ mRNA ଟିକା ପ୍ରସ୍ତୁତ କରିଛି। ବର୍ତ୍ତମାନ ଏହି କମ୍ପାନୀ ଡ୍ରଗ୍ସ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆର ସବଜେକ୍ଟ ଏକ୍ସପର୍ଟ କମିଟିର ଅନୁମୋଦନକୁ ଅପେକ୍ଷା କରିଛି। ଏହି ସଂସ୍ଥା ଶୀଘ୍ର କମ୍ପାନୀ ଦ୍ୱାରା ପ୍ରସ୍ତୁତ ସୂତ୍ରର ସମୀକ୍ଷା କରିବ ଏବଂ ଏହାର ଅନୁମୋଦନ ଦେବ ।
